"E ISTORJAKORO REVISJONISMO: PALE E PURANE XOXAVIMATA"

"E ISTORJAKORO REVISJONISMO: PALE E PURANE XOXAVIMATA"

MARCEL ROMERO

Akava si ekh tikno lil (resumo) kaj thav Romanes so hramosardom andre o artiklo kaj bučhola "El Revisionimo Historico...", Spanjakere čhibate, kaj me kerdom angleder andre akava blog (dikhen tele, andre o blog).

E Roma, angleder, na hramosarde lengiri istorja. Odoleske, džiko bišto vakti, isas e gadže kon kerde e Romane istorjakere lila: so hramosarde e gadže ko dešupančto, dešušovto etc vakti, butivar nanas o Romano čaćipe: okothe e gadže thode bilačho di (bias) mamuj e Romen. E Evropakere thagarimata zumavenas te phandaven e Romen e astarimaste, te keren ole thagarimaskere das, te buti keren ivja, e thagarenge. Adjale, lengere lilavne hramosarde but xoxavimata, kaj zumavde te sikaven e Romen sar Evropakere bithemeskere džene (gadže!!!) kaj avile khetane te čoren, te dživen bilavengere (bi zakonoske), vi i Romani čhib sar jekh "chorengero argot", kerdo akale "bithemeskere gadžendar" te xoxaven e avren.
O problema si, akava xoxavno di na našavdilo, ava dives isi jekh "skola socialno antropologja" kaj mothol kaj e Romengere phure na avile e Indjatar, i Romani Ćhib si "argot"... vi kaj nanaj yekh narodo Romano (!): akala gadže hramon kaj so prindžanasa sar "e Roma" si korkoro "Evropakere čorvane džene" kaj line e droma ta "kerde jekh nevi čhib thaj identity" dromal... Akaja skola, kaj "bistravela" sa so džanasa adives e Romane istorjatar ta čhibatar, nasul isi, na korkoro soske xoxavena, vi soske šaj te del vast odolenge kaj mangena te pharaven e Romengere pravi, sar zumavde te keren angleder okola phure lilavne kaj phendam opreder.
So te keras? Trebul te ovas godjale, te džanas mišto o čačipe, te mothas, kate vi kana, o Romano čačipe, te džanen sare, vi Roma, vi gadže sar isi i čačuni Romani istorja (Andre o artiklo, agore isi bibljografja).