TRIN PARAMIČA

Akathe thav aver trin Esoposkere paramiča kaj kerdom Romanes (akala nanaj Kalderašitsko djalekto, sar sine okola kaj kerdom angleder andre akava blog). Paleder thav akalen vi Kalderašitsko...

O DŽUKEL THAJ O BAŠNO

O džukel thaj o bašno amala isas. Ekh dives, e dui durutne dromesa gele. Kana peli i rati, niklisto o bašno opre rukheste, te sovel. Pašlilo vi o džukel te sovel, rigate, paš e rukheste. Ratjal adžaj, gilavda o bašno, sar kerena sare bašne. Kana šunda oles jekh tikno vešeskoro džukel, avilo te xoxavel e bašnes, soske kamelas te xal oles. Xate jov: av tele, bašnea, opral e rukheste ke mangava angali te dav tuke, ke lošalo isom te ašunav kaj tut isi akjasavo šukar muj! Thaj phenda o bašno: feder, džangav angleder mire amales, e džukles, ka suto isi okothe tele, thaj paleder maja šaj te avav tele! Kana o tikno vešeskoro džukel pašilo, angleder te dikhel kon sovelas okothe tele, oles dikhla o džukel, e bašneskero amal, kaj uštilo opre leste ta paravda oles peskere dandensa.

I paramiča sikavel ka sare godjale manuš, te xoxaven lengere dušmanen, akalen kam bičavena te čingaren pe okolensa ka lendar zuraleder sine.


O GRAST THAJ O XER

Therelas jekh murš grast thaj xer. Dromal džanas e dui kana phendas e grasteske o xer: le mandar miro ladavipe! Ta na kamelas o grast e xereske te vast del. Agore, pelo o xer e phuvjate, mulota (t. e., t.a.b.). Lela o xolaj, e čurjasa nikavda e xereskiri morti, čivda opre e grasteskere zenjate vi o ladavipe vi e xereskiri morti. "Aj", runila o grast, "so kerdjom?" Angleder na kamavas te rigarav e xereskoro ladavipe, thaj akana trebul te rigarav sa, vi o ladavipe, vi leskiri morti!

I paramiča sikavela kaj e manuš trebul jekhavreske te vast den.


O MAČHARI THAJ O TIKNO MAČHO

Ekh mačhari, e dorjaveste, čivda i porizen thaj astardjas e tikne mačhes. Kana dikhla e manušes o mačho, andral e ileste leske mangla: "Čiv man pale e panjeste, te rodes vi bareder mačhen, kaj me tiknoro isom! Feder, kana barjovav, šaj te astares man tire porizenasa te xas dži te čaliljoves". Thaj oleske phenda o mačhari: "Maja dilino isom te čivav tut pale e panjeste, akana kaj san mire vastende, korkoro soske tikno san, te ačkerav zhi te barjoves? Nanj godjalo isi."

I paramiča sikavela kaj dilino si okova kaj našavela so therela andre vastende, te ačkerel dži te avel čomoni feder paleder.